(E Book 143) प्रकरण २ चमत्काराकडून चमत्काराकडे

प्रस्तुत प्रकरणाचे शीर्षक वाचून कोणालाही असे वाटण्याची शक्यता आहे. की, विज्ञानातही चमत्कार आहेत, आणि चमत्कारांचेही विज्ञान आहे. असे जर असेल तर ज्या विज्ञानात चमत्कार आहेत, त्याला विज्ञान कसे म्हणावे व ज्या चमत्कारांचे विज्ञान आहे त्याला चमत्कार कसे म्हणावे, असा साहजिकच प्रश्न उपस्थित होईल; कारण आपण विज्ञान व चमत्कार हे एकत्र नांदू शकत नाहीत, त्या परस्पराविरूद्ध संकल्पना आहेत असे समजतो. मग या शीर्षकाचा अर्थ काय?